Hori dela eta, desgaitasunarekiko pertsonen aukera-berdintasuna eta erabateko gizarteratzea bermatzeko tresna nagusia hezkuntza dela ohartzen gara eta ONCE Fundazioak programak sustatzen ditu pertsona desgaituak aukera-berdintasunean sartu daitezen kalitatezko goi-hezkuntzan; ondorioz, espainiar unibertsitate-sistemarekin lankidetza aktiboan aritzen da oztopoak kentzeko eta goi-hezkuntzako erakundeak egiaz inklusiboak izateko.
Gaur egun, Europako unibertsitate-testuinguruan, mugikortasun programak unibertsitateen plan estrategikoetako zati garrantzitsuak dira, baina desgaitasunarekiko ikasleek programa hauetan duten parte hartzea txikia da; adibidez, 2010-2011 ikasturtean, ERASMUS programan parte hartu zuten ikasleen %0,12 baino ez zuen desgaitasunen bat aitortu, 12 ikasle izan ziren guztira.
Zentzu honetan, ONCE Fundazioak desgaitasunarekiko unibertsitate-ikasleak nazioz gaindiko mugikortasun programetan sartzera sustatzen ditu, prestakuntza osoagoa izango bailitzateke eta enplegua aurkitzeko aukera gehiago legoke; eta hori da, hain zuzen ere, ONCE Fundazioaren lehentasuna. Hori dela eta, hainbat ekintza garatzen ari dira eta hauek nabarmentzen dira:
"Oportunidad al Talento" beka-programan desgaitasunarekiko ikasle neskentzako nazioz gaindiko mugikortasunerako berariazko ildo bat jarri, babes ekonomikoa eman, kanpoan egingo duten egonaldia segurtasunez egin dezaten. 2014-2015 ikasturtean 6.000 euroko 20 beka eman dira nazioz gaindiko mugikortasun arloan.
Bestalde, "Ikasle desgaituen nazioz gaindiko mugikortasuna: Egoeraren azterketa eta etorkizuneko erronkak" azterketa egin da eta bere helburua da nazio eta nazioarte mailako mugikortasun programen egungo egoera ezagutzea eta arlo honetako praktika onen adibideak aurkitzea.
Esteka honetan dago azterketa:
http://www.fundaciononce.es/es/publicacion/la-movilidad-transnacional-de...
Amaitzeko, 2013-2014 ikasturtean Erasmus Student Network elkartearekin hasitako lankidetza aipatu behar dugu; elkarte honek mugikortasun programetan sartzen diren desgaitasunarekiko unibertsitate-ikasleen inklusioa bermatzeko hasi dituen ekintza guztietan dugu lankidetza.
